Search

Why join the Navy . . . if you can be a Pirate? - Steve Jobs

有關〈偉大航道〉
香港Startup募資記錄（2013-17）
Startup創業懶人包

Genesis-block-hash

December 18, 2018

Leave a Reply Cancel reply

Follow on Instagram

web3qna

BTC沒有成為美元避險工具，但係陰差陽錯，成為咗沒有監管的「美元穩定幣」的避險工具。

聽業內人士講，本來持有大額穩定幣，打算伺機而動的投資者，因穩定幣出現崩盤危機，資金無處可走，唯有轉成BTC避險，間接造就新一波加密幣升市。

//【美國銀行業自救行動】#美國華爾街的銀行業展開 #自救行動，摩根大通、摩根士丹利等11間大型銀行同意，向陷入困境的First Republic Bank (FRB)合共 #注入存款 300億美元(2340億港元)。（內文：https://bit.ly/3YVZeFR//

【有關Bitcoin的迷思】有唔少人接觸cryp

【有關Bitcoin的迷思】有唔少人接觸crypto係由2017年ICO熱潮開始，所謂ICO，就係響Ethereum（以太坊）上面發行新幣，而喺2020年DeFi Summer之前，「求其發個幣」圈錢嘅項目多如恆河沙數，但係亦有唔少人因而賺到第一桶金（如果喺割韭菜前走得切嘅話）。

部份由Ethereum入門crypto嘅人，通常會認為Ethereum比Bitcoin優勝，因為Ethereum可擴展性高，擁有無限可能。但係世事往往都唔係咁完美，有得定必有失。

Bitcoin之所以冇乜擴展性，係先天嘅設計，好處係「穩陣」，同盡量提高「去中心化」嘅程度。

Ethereum嘅設計，尤其是2.0之後，去中心化程度比1.0更低，而通過智能合約所得嚟嘅擴展性亦令佢嘅結構越趨複雜，越複雜嘅係統，有漏洞或者出意外嘅機會就越高。

Bitcoin相對簡潔同優雅嘅設計，令佢由2009年起都未曾被黑客攻陷過，亦冇話死鏈停機（某啲鏈例如Solana喺流量高嘅時候三日唔埋兩日就停機），暫時嚟講都仲可以話係穩如泰山。

所以市面上只會見到不斷有「以太坊殺手」出現挑戰Ethereum，但係唔多會見到「比特幣殺手」，因為無論以market cap、去中心化程度、安全性、信任度等等嚟計，根本無其他區塊鏈有能力挑戰Bitcoin。有某啲國家或者美國某啲州份會立法將Bitcoin作為法定貨幣，但冇一個政府會夠膽將ETH設為法定貨幣。

由Ethereum入門接觸crypto嘅人，往往忽略咗呢啲重點，所以造成咗比特幣支持者同以太坊支持者永恆不止嘅爭論。

假設有日Bitcoin出事，整個加密幣市場都唔會搵得到比Bitcoin更可信嘅Store of Value替代方案。但隨著更多支持智能合約嘅Layer-1區塊鏈出現，某年某日以太坊被其他更先進嘅區塊鏈取代亦不足為奇。（雖然我覺得可能性極低，因為以太坊「去中心化」程度蹤使遠遠不及比特幣，但比起其他「有大台」嘅區塊鏈仍然高好多）

總括嚟講，比特幣係加密幣市場嘅中流砥柱、「去中心化」嘅信仰基石，地位難以動搖。以太坊雖然用途廣泛，有無限擴展空間，但係理論上並非不能取代，亦正面對著無數新區塊鏈嘅挑戰，其「去中心化」程度亦隨著每次升級越趨下降，因而更加突顯比特幣無法被取代嘅獨特地位。#不服來辯 #Like #Comment #Share

年半前上財科暗戰章濤講FTM，當日價位$0.45-0.46之間，然後喺6個月之內升到$3之後跟大市回落，今日終於返家鄉了 😭 （我$0.38開始入，由$2.8放到$1.6，而家仲有一半HODL）

我推介FTM，唔係因為佢有DeFi教父Andre Cronje坐陣（啱啱相反，有幾次大跌都係因為佢俾散戶鬧，發脾氣走人），而係Fantom係少有「真係做實事」嘅Layer-1，佢哋唔接受冇意義嘅投資，唔做多餘嘅圈錢行為，只係努力令到條鏈「好用」。

好用真係好緊要，如果大家唔止炒幣，仲真係有玩DeFi，就知其實好多鏈都非常難用，或者唔穩定，或者流動性低，或者配套不足，而Fantom比起其他（地獄）鏈就好似係天堂一樣。

技術上FTM亦係好務實，例如佢哋唔追求冇乜意義嘅TPS（Transaction per second），大家睇其他啲標榜高TPS嘅鏈周不時都好慢，就會明白點解TPS只係一個數字，FTM反而注重TTF（Time to Finality），即係要幾耐先finalized到啲transaction落個block度。打個比喻，俾你部電腦CPU有10Ghz都冇用啦，個MS Office load得咁慢。

要講FTM有幾好真係有排講，當然佢都唔係無敵，FTM喺「好用」同「中心化程度」之間都有啲取捨，但最緊要係成個FTM生態同基金會嘅取向都好健康，所以我對佢仍然係不離不棄，HODL～

當年嘅財科暗戰直播：https://youtu.be/JJlgYDyLmxk

$APT呢啲完全冇實質用途支持，只靠概念炒上嘅幣（過往30日升了444%），散戶被大戶割韮菜只係時間問題。Twitter上的crypto KOL BitRun貼文指Binance啱啱出咗APT研究報告，即係預計收割時間差唔多到，早走早著了。

【擁有Wallet，你才會真正擁有加密幣】FTX爆破，連隨其他中心化交易所例如ByBit都相繼出事。在加密幣的世界，有句老生常談的說話，叫做「Not your Key, Not your Coin」意思是若別人（例如中心化交易所）代你持有加密鑰匙，那些幣嚴格來說並不屬於你的。

如果你沒有blockchain的wallet（用來儲存你的加密鑰匙），全靠FTX這類中心化交易所幫你保管，一但交易所出事，你就沒有任何方法取回你的幣。經典例子是2014年全球最大Bitcoin交易所Mt. Gox倒閉，到了2022年散戶還未能獲得任何賠償。（弔詭的是，因為遲遲未陪償，Bitcoin價格近年暴升，現在Mt. Gox其實有足夠能力還款）

所以區塊鏈第一戒，就是自己要學會使用wallet，掌管自己的key，就沒有人可以取走你的幣。

但是FTX可以兌換其他幣，又可以收息，方便太多了吧？

問題是FTX爆破其中一個主因，就是私自挪用了用戶存款，引至資不抵債，為了「方便」而冒上如此巨大風險，實在不值得。所以有經驗的加密幣用家，都會選擇在DEX（去中心化交易所）做兌換，或使用DeFi（去中心化金融）服務賺息。

不是說DEX和DeFi沒有風險，在沒監管的市場，騙局還是不少，捲蓆跑路（Rug-pull）的項目亦不會少。但至少自己的幣還是在自己手上，只要小心選擇，做好研究，學會分析鏈上數據，不要太過貪心墮入投資陷阱，就能大大降低風險。

要使用DEX或DeFi，最方便就是使用Metamask。但要提升安全，最好是用硬體wallet配合Metamask使用。以下影片Step-by-Step示範如何以Ledger Nano S Plus連接Metamask，大家可作參考。

#web3 #wallet #defi #crypto

【幣圈的n種人】幾年前開始出現「幣圈」呢個詞，當時我唔係咁鍾意呢個講法，因為唔覺得有一個咁嘅圈，就算有都係一個個小圈子，我有我圈，你有你圈。

大部份接觸Crypto嘅人，都係因為見到投資機會所以入場，所以對於技術上同原理上唔會研究得太深入，知道個大概，吹到下水就ok。反而對於幣價升跌，炒賣策略會有更多心得。

另外有部份人，係為咗「搭棚」入場，搞ICO、STO、NFT，總之係巧立名目搵投資者入局，再割韭菜。呢類型嘅項目喺2018年，2021年牛市期間最多。

又有少數人，係被Blockchain嘅「去中心化」理念同當中技術嘅優雅而迷倒，好想利用呢項技術去實踐一啲新嘅概念。我好明白呢個諗法，就好似Internet啱啱興起，總有班搞技術嘅宅男走去鑽研點樣做出一啲好多人都啱用嘅產品出嚟。

Bill Gate有個好著名嘅訪問，David Letterman話：「我聽講話Internet有個大突破，就係可以收聽球賽… 呃，有冇聽過有樣嘢叫收音機？」

Bill Gates答佢：「咁喺Internet你可以隨時聽返都得…」

然後Letterman就話：「呃… 有冇聽過樣嘢叫做錄音帶？」

及後嘅發展，你我都知。

而家所謂「幣圈」一片愁雲慘霧，其實只係其中一個圈啫。仲有好多其他參與Web3技術嘅人，仲喺度默默耕耘緊。現在嘅技術只係撼動咗「金融服務」同「藝術收藏」兩個領域，呢個世界可能仲有好多嘢係可以透過Web3解決，只係時機未成熟，配套未足夠。

如果今日上網仲要駁住條電話線行28.8k，用部萬幾蚊嘅大牛龜電腦行Windows 95，仲有幾多人肯有用？

市況係點都好，做技術嘅人繼續做技術，設計產品嘅人繼續做產品。幣價升跌嘅嘢，就留返俾因為投資而入場嘅人去善後就得喇。

#crypto #nft #web3 #blockchain

因為FTX爆煲，各大交易所紛粉響應Binan

因為FTX爆煲，各大交易所紛粉響應Binance，主動公開露儲備狀況，所謂「Proof-of-reserves」。

有趣嘅係，根據CoinDesk嘅報導，Cryoto.com原來有接近19.68%儲備係柴犬幣 Shiba Inu（SHIB）即係大概5.58億美金，以市值計，佔咗大概係1/10事場流通嘅柴犬幣。

Crypto.com發言人話，因為佢地要有1:1儲備，所以有啲咩幣做儲備就要視乎啲客買咗啲咩幣咁話，睇嚟佢地啲客都幾鍾意柴犬。

【薩爾瓦多啲BTC放喺FTX？】有網民在Tw

【薩爾瓦多啲BTC放喺FTX？】有網民在Twitter貼文，話薩爾瓦多的BTC放喺FTX，幣圈大佬Galaxy Digital CEO Mike Novogratz見人講佢又講，之後好多人當係新聞咁報。

之後Binance CEO CZ話，問過薩爾瓦多總統Bukele，佢證實冇放資產喺FTX，Mike Novogratz亦都喺Twitter道歉。

如果大家有留意Bukele，佢一路都係只講Bitcoin，冇提ETH或者其他幣。以咁嘅一個Bitcoin信徒嚟睇，佢就係唔想俾中心化嘅機構（例如世界銀行）揸住條頸，所以唔係要變現嘅話都唔會放落交易所，呢個係Bitcoin信徒嘅共識。

多數Bitcoin嘅信徒，唔係覺得Bitcoin會升，而係明知美金會跌（因為量化寬鬆亂咁印），唔係覺得有得炒先走去買，所以唔會多用交易所，用完亦唔會放過夜。

就算係炒家，都係會睇on-chain data，睇見有巨鯨將啲幣由冷錢包轉去交易所，就視為跌市訊號。因為唔係賣幣就唔會轉過去，轉得過去即係攞去賣，唔會係貪佢啲息，因為風險高搏唔過，亦都同理念互相違背。

相反地，如果有大量嘅幣由交易所轉去冷錢包，就即係暫時唔打算沽售，而係攞去長期儲存，亦會被視為升市訊號。

#bitcoin #ElSalvador #FTX #crypto #web3

【Binance鯨吞FTX】FTX CEO薯條哥（Sam Bankm

【Binance鯨吞FTX】FTX CEO薯條哥（Sam Bankman-Fried）被Binance CEO "CZ"（趙長鵬）一招KO，兩人宣佈Binance將收購FTX，正進行due diligence。事緣11月6日，Binance稱會將5.29億美元（當時市價）嘅FTX token（FTT）全數放售，FTX無力接盤，引至FTT幣價一度下跌八成。

FTT主要用於FTX交易所，可減低交易費用或用作抵押品。由於市場恐慌，大量資金由FTX撤走，FTT亦被拋售。

作為發行FTT的FTX，資產大幅蒸發，無力接貨，甚至一度暫停提款。為免擠提．逼於無奈接受Binance收購，幾日之間加密幣交易所巨頭FTX就此成為歷史。

值得留意係，薯條哥1992出生，現年30歲，2019年在香港創辦FTX，去年才遷冊巴哈馬。以24小時成交量計算，現時是世界第三大中心化加密幣交易所（CEX）。

另外，薯條哥的投資公司Alameda Research是Solana早期主要投資者之一，為保衛FTT曾聲稱$22全數接貨（現價約$5.49），相信已售出部份SOL，現時SOL幣價下跌約20%。

【NFT的「內在價值」】在加密幣世界，經常會講到一個詞彙，叫做intrinsic value，或者「內在價值」。

意思係個事物本身有冇咩價值，例如一個麵包可以飽肚，一把鉸剪可以剪嘢，都係呢啲事物本身嘅價值。有一段好長嘅時間，好多人都覺得Bitcoin係冇「內在價值」，但係自從佢嘅流通量同埋持有人數增加到critical mass，產生「群聚效應」，Bitcoin就開始有儲存同傳送資產嘅用途同價值。

咁NFT又有冇「內在價值」？呢個問題同「藝術品」或「收藏品」有冇「內在價值」差唔多，因為NFT最原本發明出嚟係作為數碼化嘅「藝術品」同「收藏品」，而「有冇價值」，就因人而異，有冇「內在價值」就有更多討論空間。

但係自從出現咗「Ultility NFT」，即係「有用途嘅NFT」之後，就賦予咗呢類型嘅NFT「內在價值」。

譬如話今次Kolor樂隊推出嘅NFT，持有呢個NFT嘅樂迷，係可以有優先訂飛、參與新歌創作、參加線下活動、實體店折扣，等等嘅種種權利，呢啲福利本新就有佢嘅「價值」喺度，因此個NFT亦變成有佢嘅「內在價值」，所以個NFT喺市場上嘅價格，亦唔應該低於佢本身嘅基本價值。

重點係，NFT先要普及化，件事先會行得通。咁首先買家要容易買到個NFT，另外就係個NFT要可以喺交投量夠高嘅市場（即係Opensea）自由交易，令持有呢個NFT嘅買家放心購買，同埋每次轉讓，發行NFT嘅單位都可以收到交易版稅。

當我知道Kolor想發行ultility NFT嘅時候，就建議用一個全新嘅方法去做，就係用Ethereum嘅smart contract（智能合約），令到樂迷買NFT嘅時候，唔需要預先學識用加密幣銀包（wallet）同埋買加密幣，直接港幣信用卡購入呢個NFT嘅持有權。

到樂迷有時間學識點開wallet，同埋點樣用個wallet進行簡單嘅Web3操作，咁就可以connect個wallet到網站，然後smart contract會自動將佢擁有嘅NFT轉到呢位樂迷嘅wallet度，即刻收到，咁就可以隨時放上Opensea。

Kolor嘅NFT係喺Ethereum上面鑄造（mint）出嚟，一般嚟講如果買家要mint NFT，就要自己用以太幣俾gas fee。但係呢次因為Kolor想大家可以學習點樣進入NFT呢個新領域，所以佢地就決定由Kolor去承擔gas fee費用，唔需要樂迷購入以太幣，真係用心良苦。

所以我哋將呢個購買NFT嘅方法叫做「Web 2.9」，就係為咗未學識點樣用wallet嘅朋友而設，等佢哋可按自己嘅進度，慢慢學習點樣進入Web3嘅世界，希望可以推廣到Ultility NFT嘅應用，令更多朋友可以接觸到blockchain呢個新科技。

Kolor Rangers 8月31日正式公眾發售，有興趣就去 https://www.kolorrangers.io/ 睇詳情喇！

所謂GameFi，就是Game和Finance兩個字的結

所謂GameFi，就是Game和Finance兩個字的結合。一般的營運模式是Play-to-Earn，即「邊玩邊賺」。

用「冒險樂園」來作比喻GameFi的運作模式，就是玩家要先買代幣，用代幣玩遊戲，再從遊戲中得到獎勵。獲得的獎勵可以是更多遊戲代幣，又或者獎品，甚至是另一種代幣都可以。

不同的是，「冒險樂園幣」的發行並不透明，也沒有規管，因此不會獲得公眾信任，亦沒有交易市場，難以換成現金。

但是利用區塊鏈，就可將遊戲內的資產（如例武器、土地）和遊戲幣，以NFT或加密幣形式發行，並有公開透明的智能合約控制貨幣經濟（Tokenomics），所以就算是遊戲幣，亦能夠獲得玩家和投資者的信任。

當有足夠流通量，便能夠在區塊鏈上的「去中心化交易所」（Decentralized Exchange，簡稱DEX），甚至中心化交易所（Centralized Exchange，簡稱CEX）兌換其他加密幣，例如可以兌換成比特幣、以太幣或者和美元掛勾的穩定幣。

流通量和成交額夠大的話，甚至可以用於「去中心化金融」（Decentralized Finance，簡稱DeFi）服務上，例如用來做抵押品借幣、或倒轉用來放貸賺取利息等等。

要選GameFi的代表遊戲，必然會提到Axie Infinity。簡單來說，玩法是玩家以虛擬寵物Axie互鬥，戰勝獲得SLP幣，而在遊戲內達到特定等級，亦何獲得另一種貨幣AXS。玩家銷費SLP和AXS，可以繁殖出新的Axie寵物，以用於遊戲，或拿到市場賣出套利。

AXS除來用來繁殖寵物之外，亦可用於社群治理（community governance）。持有越多AXS就能擁有越多投票權，為遊戲未來的決策投票，增加用戶持有動機。

這個雙幣模式（Dual-token model）往後同樣被很多新的GameFi採用，例如曾經一度大熱的跑步GameFi「Move-to-Earn」遊戲「StepN」。

值得注意的是，在現實生活中，除了「冒險樂園」，其實亦有不少「Play-to-Earn」的娛樂。例如「打麻雀」、「打啤牌」、「賽馬」等等和博彩有關的，都是Play-to-Earn，藉遊戲賺取回報，邊玩邊賺。

在賭局所贏的錢，都是從輸家口袋來的。有人輸錢才會有人贏錢，所以賭場的籌碼不會貶值。但從GameFi賺的幣，是憑空鑄造出來的。當系統不斷鑄造新幣，供應量多於買幣入場的新手，就會出現供過於求，令幣價不斷貶值，進入死亡螺旋（death spiral）。

世上很少人會覺得在每天到樂園玩遊戲或者到麻雀館打牌，賺取的收入能夠取代上班工作。GameFi亦一樣，每天拿虛擬寵物戰鬥或穿虛擬跑鞋跑步，就算短期熱潮能夠賺到不俗回報，我認為長遠來說始終還是要上班工作的。

如所有加密幣一樣，GameFi幣兌現金價格的波幅可以非常大，一但用戶流失引至供過於求，就有可能令幣值歸零，參與GameFi務必謹慎，避免沉迷。

#GameFi #NFT #Web3 #Blockchain #區塊鏈 #元宇宙

如果找來十個來自不同界別、不同專業的人（例如科技界、藝術界、教育界、金融界等等），問他們「甚麼是Web3」，有機會得到十個不同的答案。因為現時各個界別都對Web3有著不同的想像。

令Web3更加難解的，是在區塊鏈未盛行之前，科技界對Web 3.0已有各種各樣的詮釋。在維基百科查閱Web 3.0，也有Web3和Semantic Web兩種解釋。我見過一個由商界舉辦的Web3講座，他們PowerPoint的內容與我所理解的Web3就完全不一樣。

因為Web3不是學術，沒有教科書的定義，也沒有「正宗」的Web3大師，所以你喜歡說「Web3未來會怎樣怎樣」、「Web3包含了甚麼甚麼」，也沒有任何人可以說你錯。

但在加密幣和區塊鏈生態圈，對Web3還是有起碼的共識。Ethereum（以太坊）其中一個共同創辦人Dr. Gavin Wood，在2014年發表了一篇文章《DApps: What Web 3.0 Looks Like》(1)，首次將「Web 3.0」和區塊鏈的「去中心化應用」兩者拉上關係，那時還未有Web3這個叫法。

Gavin Wood後來創辦了Web3 Foundation（W3F），致力提倡Web3應用。但是W3F各個成員，對Web3的定義也不盡相同，有些會以技術角度去定義，另一些又會以人文科學來理解。W3F網頁上刊載的一場演講「What Exactly is Web 3.0?」(2)，裡面就有多種不同說法。

既然從Web3命名者Gavin Wood的Web3基金會都找不到答案，唯有退而求其次，採納Ethereum Foundation以太坊基金會的說法。

以太坊基金會對「Web 1/2/3」的定義，意外地來自只有三千多個追蹤者的Twitter網民＠himgajria，在2020年發的一條推文(3)：

Web 1: Read
Web 2: Read-Write
Web 3: Read-Write-Own

以太坊基金會在解釋Web3的網頁上貼有這條推文的連結，應該是能夠追朔到提出這個說法最早的記錄。

用最簡單方法去理解，Web 1是單向發放資訊（例如新聞網站），Web 2是雙向發放內容（例如社交媒體），而Web3，除了能夠雙向發佈之外，用戶還「擁有」這個網站的某些權限或資產。

例如將用戶的內容NFT化，令用戶可以永久擁有這個內容的所有權，又或者透過持有某服務的加密幣，擁有這個網站的投票權等等。

根據以太坊基金會的定義，Web3會有以下四種原則(4)：

去中心化（Decentralized）
無權限化（Permissionless）
原生付費（Native Payments）
去信任化（Trustless）

根據以上原則，Web3應該沒有中央化的機構管理（如Facebook、Google等），亦有免審查的特性。Web3內的商業活動，以加密幣交易，無需通過傳統中央化銀行系統。而Web3服務由社群自由參與運作和維護，無需審批，可以隨時加入。

如果你還能夠讀到這裡，我相信大家會開始明白，為何我一開始就說Web3根本沒有一個統一的官方定義，只要你喜歡說甚麼甚麼是Web3，根本沒人可以反對。

在香港，講到Web3必然會有人提及「元宇宙」。但很抱歉，無論Web3 Foundation還是Ethereum Foundation，解釋Web3時都完全沒有提過「元宇宙」。而「元宇宙」的定義，比Web3更鬆散，Facebook（現改名為Meta）所講的元宇宙和Sandbox所講的元宇宙，已經是兩個世界，但亦沒有人可以肯定誰對誰錯，只能夠說「大家都對」。

以我個人觀察，Web3這個詞的流行，或許和程式開發者有關。從Gavin Wood開始，一直以來都在說Web 3.0，為何突然會簡化成Web3？我猜想有可能是因為開發區塊鏈應用的程序庫，大多以Web3命名，例於web3.js，web3.py等等。所以久而久之，開發者社群就將Web 3.0簡稱Web3，然後把這個習慣散播到其他社群。

如果問我「甚麼是Web3」，我會認為「用到web3程序庫的網站」都可以叫做Web3。這個說法並不乎合以太坊基金會的定義，因為有很多連結區塊鏈DApps的網站，都是很「中心化」的服務。但我相信，任何一種科技要普及化，其用戶都會為便利犧牲私隱與監管，最後必然「由分散化走向中心化」。互聯網本身就是一個好例子，以往用暱稱上網的日子早已沒人懷念，反而越來越多人接受互聯網趨向實名化。

如果你期望這篇文章會說：「Web3就是DeFi（去中心化金融）+ GameFi（遊戲化金融）+ Metaverse（元宇宙）」，很抱歉令你失望。因為對很多人來說，Web3是一種理念，而不是2022年最新的科技潮語。

參考資料：
(1) ĐApps: What Web 3.0 Looks Like （Gavin Wood, 2014）
(2) What Exactly is Web3? （Juan Benet, 2018）
(3) https://twitter.com/himgajria/status/1266415636789334016
(4) Introduction to Web3 （Ethereum Foundation）

#web3

#innoQnA你問我答讀者來函：//「公司想

#innoQnA你問我答
讀者來函：//「公司想買一個app 可以記錄血壓，血糖，同分享健康訊息。可以直接買嗎，定係要重新開始寫？謝謝你？」
答：要用App記錄血壓、血糖，首先要唸係咪要人手輸入？定係通過硬件再經藍牙或者Wifi自動輸入？

如果個App係跟硬件，咁硬件公司多數會提供埋App，同埋同硬件通訊的API文件或者SDK。如果直接用廠商提供嘅App，改頭換面係勉強可以推出，但係大部份廠提供嘅版本都係比較簡單，應該符合唔到客嘅要求，所以一般嚟講，買咗硬件返嚟都會自己寫過個App同埋CMS管理後台。

冇硬件嘅話，即係靠人手輸入，其實App嚟講係好難會有「罐頭」呢回事，就算有，都唔會符合到唔同客戶嘅需要。我成日都會用家居裝修嚟比喻寫App，每個人對家居嘅裝修都會有唔同嘅要求，就算同一款單位，都唔會每個客都想做成一模一樣，所以呢類獨特用途嘅App，幾乎全部都係度身訂造，其實好少話有得直接買。

‼️ 有疑問⁉️ 即可Inbox/留言/匿名入以下google form問都得‼️
https://cutt.ly/innoqna (link in bio!)
✅✅一click睇哂所有文章✅✅
https://cutt.ly/Lg4CvOo
#innoqna #iOS #android #startup #AppDevelopment #website #寫app #好app #你問我答 #創科 #designanimation #app #remote #worker #workfromhome #apps

#innoQnA你問我答

讀者來函：//「有一位下屬 developer 正計劃移民，公司因為聘請艱難加上一直合作開所以想出 remote offer 繼續聘請，有沒有管理 remote worker 的建議？？」

答：疫情之後唔少公司都開始試行work-from-home，我哋亦唔例外，試過連續六星期所有同事remote work。呢段時間我哋嘅效率冇顯著下降，甚至有啲同事仲做得多嘢過返公司做添。

具體嚟講，喺remote work期間，我哋每條team每朝早都會有一個簡短會議，報告尋日嘅工作進度、遇上咩問題，同埋講下今日嘅工作內容，其實同平時嘅stand-up meeting差唔多，只不過除咗stand-up meeting之外，個別同事需要同相關同事schedule其他meeting，唔似得喺office度就咁行去人哋個位就傾得到。

而source code因為一向都係用git管理，所以同平時嘅做法亦冇乜唔同。但係講到尾寫program其實都係一種創作，而呢種創作係仲要係有好高嘅技術成份，所以大家喺埋一個office始終係方便交流，同埋係藉著非辦工嘅溝通，例如平日食飯吹水，可以擦出創作嘅火花，呢啲都係remote work難以做到嘅效果。

‼️有疑問即可Inbox/留言/匿名入以下google form問都得‼️
https://cutt.ly/innoqna (link in bio!)

✅✅一click睇哂所有文章✅✅
https://cutt.ly/Lg4CvOo

#innoqna #iOS #android #startup #AppDevelopment #website #寫app #好app #你問我答 #創科 #designanimation #app #remote #worker #workfromhome #apps

#innoQnA你問我答

讀者來函：//「想寫一隻apps,budget得5萬，包d乜？」
答：呢個問題其實好難答，所以我哋之前寫咗一篇文章《搵人寫App要幾錢》嚟解答。

反而我覺得要真正問嘅係，點解要寫隻App？寫完隻App你想有啲咩效果？而唔係問固定budget可以做到啲乜嘢。如果有人問個廚師，「想食一餐飯，Budget得$50，包啲乜？」其實都好難答得到。

類似「寫個Apps要幾多成本」嘅問題，推薦大家參考拙文「搵人寫App要幾錢？」（參閱：https://cutt.ly/MhqCQiZ）

‼️有疑問即可Inbox/留言/匿名入以下google form問都得‼️
https://cutt.ly/innoqna (link in bio!)

✅✅一click睇哂所有文章✅✅
https://cutt.ly/Lg4CvOo

#innoqna #iOS #android #startup #AppDevelopmen #website #寫app #好app #你問我答 #創科 #web

讀者來函：//「如何面對創業時的難關

讀者來函：//「如何面對創業時的難關？」

答：有讀者來函問「如何面對創業時的難關」，InnoQnA是以手機App為主的專頁，相信讀者問營運的是以App為載體的事業。

創業路上，不同階段面對的難關都有所不同，但粗略來說不外乎以下五種：

1. 資金－尤其是燒錢階段，未達到critial mass，但現金越燒越少，不知如何打算。

2. 人才－公司規模尚小，未能吸納人才，但創新科技正正需要頂級人才。

3. 方向－世界局勢瞬息萬變，市場變化無定，科技一日千里，在眾多紛擾之中，有時難免會感到迷茫，甚至迷失方向。

4. 拍檔－創辦團隊一但出現意見分歧，便有幾會導致團隊分崩離析。

5. 親友和朋輩－家人朋友，身邊最親密的人的關心，對創業者來說，有時亦會成為壓力。

先講如何面對資金問題。創業總有投資期，如果創辦人沒有足夠資本捱到公司有正現金流，就要從外籌集資。早期的資金來源不外乎3F，即Friends, Family and Fools。我有多一個建議，就是先將自己全副身家投入公司，讓其他人知道你已決心破釜沉舟，並無退路。贏就一起贏，輸就一起輸。

人才問題，大家都知道，小公司是難與大企業競爭的。所以創辦人之中必定要有人精於招聘，能夠覓得可以雕琢成精品的璞玉，然後唯才是用，將團隊發揮到超越大公司的水平。

這一年來，很多公司的計劃都被延遲甚至打斷，創業者如何在亂世中帶領公司朝正確方向走，是一件艱難的工作。無論如何千算萬算，世事總是出乎意料。在這個情況下，我認為最終我們只能盡量保持頭腦清醒，然後跟著直覺走。

創業的人，背後總有自己一套理念。迷茫之時，只要緊抱理念，不要自亂陣腳，做一些偏離心中理想的決定。緊抱理念並不保證一定會贏，但背棄理想，就算能免強存活下來，心裡也是痛苦。

前路茫茫，曾經出生入死的生意拍檔亦難免會產生分歧。根據南加洲大學的一個研究，企業營運四年內，創辦人關係破裂的百分比高達45%(註1)。面對這種情況，大家要心平氣和，以公平的方法分道揚鑣。若果大家都執著於「為自己爭取最大利益」，失去拍檔之餘，公司亦會難以維持，只能等待結業。

最後，來自親友間的壓力是最難克服的。誰不想自己的子女或者伴侶有一個安穩生活？韓劇「Start-Up」的故事開端，主角的父親辭職創辦公司，導至離婚收場，最後需然獲得基金投資，卻大意被車撞傷而死。這種難關，就要看自己內心怎樣取捨。究竟現在這一刻是否最佳創業機會？這個機會是否一去不返？再等幾年，待更有實力和更有把握的時候再次嘗試的機會大不大？這一刻，愛情、親情對你的重要性，和眼前這個機會相比，哪個更為重要？

當然這些問題都不會有肯定的答案，因為不去嘗試，你永遠不會知道自己能否成功？日後會否後悔？最重要的，就是謹慎選擇最適合自己的路。畢竟是自己的人生，一定要為自己而活，而不是為了別人的目光而活。

衡量過所有因素，一但下定決心，就算面對幾大的難關，創業者也要相信自己，緊記初衷，咬著牙關走自己的路，為理想而奮鬥。無論結果如何，不要讓自己老了才後悔。

註1：https://www.inc.com/magazine/201809/helaine-olen/buy-out-business-partner.html

‼️有疑問即可Inbox/留言/匿名入以下google form問都得‼️
https://cutt.ly/innoqna (link in bio!)

✅✅一click睇哂所有文章✅✅
https://cutt.ly/Lg4CvOo

#innoqna #iOS #android #startup #AppDevelopment #website #寫app #好app #你問我答 #創科 #創業 #app #創業難關

#innoQnA你問我答

讀者來函：//「Design一個App嘅時候，如何；何時顧及Animation嘅部分，可以參考啲咩網站/Library？」

答：App的Animation分好多種，例如:

1. 提供即時回饋(Feedback animation)
用以告知用戶的行動狀態，例如是否成功選取或提交。

2. 進程提示(Progress animation)
用以告知用戶目前等待的狀態，例如載入內容。

3. 連接提示 (Loading animation)
是較常見的animation，多數出現於loading畫面。

4, 過場 (Transition animation)
畫面之間的轉換，或者用作連結畫面中不同的元素，例如圖表與數字。

Design一個App時，喺UX設計嘅時候就已經要考慮到Animation嘅應用。加入適量嘅動畫可以改善UX，提高使用嘅流暢度同提供資訊。例如喺loading時使用progress bar可以俾User明確知道大概仲要等幾耐。

要注意嘅地方係，在加入animation時一定要考慮到App嘅體積，讀取時間以及development方面嘅技術配合同時間。

可以去Dribbble, Pinterest, LottieFiles等唔同嘅平台，都會搵到各類型嘅animation reference，方便Designer拎靈感。

(Answered by Design Team)

‼️有疑問即可Inbox/留言/匿名入以下google form問都得‼️
https://cutt.ly/innoqna (link in bio!)

✅✅一click睇哂所有文章✅✅
https://cutt.ly/Lg4CvOo

#innoqna #iOS #android #startup #AppDevelopment #website #寫app #好app #你問我答 #創科 #designanimation #app

我哋已經加入咗MeWe一段時間啦🙌🏻
有咩關於Mobile App嘅問題我哋都會繼續為大家解答☺️快啲follow啦！

MeWe傳送門：www.mewe.com/p/innoqna

‼️有疑問即可Inbox/留言/匿名入以下google form問都得‼️
https://cutt.ly/innoqna

✅✅一click睇哂所有文章✅✅
https://cutt.ly/Lg4CvOo

#innoqna #iOS #android #startup #AppDevelopmen #website #寫app #好app #你問我答 #創科 #mewe #app

#innoQnA你問我答

讀者來函：//「身為一個有些經驗 web developer，如何衡量自己的技術水平？」//

答：一般嚟講，一個人如果越係精於某種專業技術，就會越清楚自己嘅不足，同埋會了解到「天外有天，人外有人」。

衡量自己嘅技術水平，要睇你用咩嘢標準。如果淨係同新手比較，就冇乜指標性，一定係自己叻啲。如果有心進步，通常都會同技術比自己高嘅人比較。Software developer嚟講，上多啲唔同嘅技術網站睇下其他人嘅討論，又或者同朋友分享下自己嘅經驗，都有助了解自己同其他人嘅水平差距有幾大。

喺瞬息萬變嘅電腦世界，我相信技術係不進則退，而且永無止境，但係經驗係能夠不斷累積。寫得多，交流得多，累積更多經驗，自然會更加了解自己。

‼️有疑問即可Inbox/留言/匿名入以下google form問都得‼️
https://cutt.ly/innoqna

✅✅一click睇哂所有文章✅✅
https://cutt.ly/Lg4CvOo
#innoqna #iOS #android #startup #AppDevelopmen #website #寫app #好app #你問我答 #創科 #webdeveloper #app

#innoQnA你問我答

讀者來函：//「公司收左錢接左個App project但傾左成年幾兩年，都協調唔到個「客嘅要求、設計同開發可行性」，作為PM角色或者老細，可以點樣處理？」

答：其實傾project都需要成本，如果傾咗兩年，計返傾嘢同初期研究嘅man-day都應該用咗唔少時間，所以原則上係唔可以俾一個project傾咁耐，因為收咗嘅錢結果都會蝕返俾客。傾得太耐都冇嘢發生，就要有「壯士斷臂」嘅覺悟。

如何避免一個project傾兩年都未開得工，首先就係唔可以喺客戶要求仲係虛無飄渺嘅階段就收錢，因為咁樣好容易一係爛尾，一係倒蝕。如果客戶嘅要求同設計令到開發上唔可行，就要睇下究竟係咪錢嘅問題，如果係加錢可以做到，咁就一係追加撥款，一係就蝕做俾個客。

如果係加錢都做唔到，咁就要睇下係公司嘅技術能力唔足夠，定係根本個設計係技術上不可能。如果係設計有問題，咁就要同個客解釋清楚點解唔得，如果照佢咁做會衍生出咩嘢問題（通常個list都好長），亦可以上網搵下其他developer寫嘅文章嚟做support，等個客知道你唔係敷衍佢。

‼️有疑問即可Inbox/留言/匿名入以下google form問都得‼️
https://cutt.ly/innoqna

✅✅一click睇哂所有文章✅✅
https://cutt.ly/Lg4CvOo

#innoqna #iOS #android #startup #AppDevelopmen #website #寫app #好app #你問我答 #創科 #web #app

Load More Follow on Instagram

Archives

Archives

Categories

Categories

Subscribe

Email Address

©

Creative Commons License

This work is licensed under a Creative Commons Attribution-NonCommercial-ShareAlike 4.0 International License.